आज मिति २०७७ साल पौष ७ गते दिप्रुङ चुइचुम्मा गाउँपालिका वडा नं. ५ स्थित स.छितापोखरी स्वास्थ्य चौकीको उद्घाटन तथा वर्थिङ सेन्टर भवन हस्तान्तरण कार्यक्रम सम्पन्न भएको छ । यस अघि उप-स्वास्थ्य चौकीको रूपमा रहेको स्वास्थ्य चौकीलाई मिति २०७७ साल असोज ६ गते वसेको कार्यपालिका बैठकले उप-स्वास्थ्य चौकीबाट स्वास्थ्य चौकीमा स्तरोन्नती गरेको थियो । स्वास्थ्य चौकीको उद्घाटन यस कार्यक्रमका प्रमुख अतिथि तथा गा.पा. अध्यक्ष श्री भुपेन्द्र राई ज्यूले र वर्थिङ सेन्टर भवनको उद्घाटन विशेष अतिथी तथा गा.पा.

आज मिति २०७७ साल पौष ६ गते दिप्रुङ चुइचुम्मा गाउँपालिकामा संकलित ३०० वटा माटोको नमुनाको परीक्षण कार्य शुरू भएको छ । १ नं. प्रदेश माटो तथा मल परीक्षण प्रयोगशाला झुम्का सुनसरीको प्राविधिक सहयोगमा ७ वटै वडाका कृषकहरूको माटोको अम्लियपना र छारियपना सुधार गरी माटोको उर्वराशक्ति बढाउने उद्धेश्ले गाउँपालिकाले माटो परीक्षण शिविर संचालन गरेको हो । माटो परीक्षण पश्चात् माटोको प्रकृति हेरी गाउँपालिकाले आ.व. २०७७/०७८ कार्यक्रमहरू संचालन गर्ने लक्ष्य राखेको छ । उक्त कार्यक्रमको उद्घाटन यस कार्यक्रमको प्रमुख अतिथि तथा गाउँपालिका उपाध्यक्ष श्री सपना राई ज्यूले गर्नु भएको थियो ।

गाउँपालिका प्रहरी(हवल्दार र जवान) पदको छनौट परीक्षाको पहिलो दिन आज मिति २०७७/०९/०४ गतेका केही झलकहरू । आज उचाई, तौल, छाति, प्रेसर, तापक्रम र शारिरीक अवस्थाबारे जाँच गरिएको थियो । प्र.ह. पदमा १० जना मध्ये उपस्थित ८ जना नै दोस्रो चरणको लागि सफल भएको र प्र.ज. पदमा ४५ जना मध्ये उपस्थित २९ जनामा १ जनाको उचाई मापदण्ड अनुरूप नभएको र बाँकी २८ जना मात्र दोस्रो चरणको लागि सफल भएको जानकारी गराइन्छ ।

दिप्रुङ चुइचुम्मा गाउँपालिकाले विभिन्न समयमा लिइएको परीक्षामा सफल भएका स्वास्थ्य शाखाका-१० जना र कृषि तथा पशुविकास शाखाका १० जना नव नियुक्त कर्मचारीहरूलाई निर्देशन सहित नियुक्ति पत्र वितरण गर्नु हुँदै गाउँपालिका अध्यक्ष श्री भुपेन्द्र राई ज्यू ।