आज मिति २०७७ साल पौष ६ गते दिप्रुङ चुइचुम्मा गाउँपालिकामा संकलित ३०० वटा माटोको नमुनाको परीक्षण कार्य शुरू भएको छ । १ नं. प्रदेश माटो तथा मल परीक्षण प्रयोगशाला झुम्का सुनसरीको प्राविधिक सहयोगमा ७ वटै वडाका कृषकहरूको माटोको अम्लियपना र छारियपना सुधार गरी माटोको उर्वराशक्ति बढाउने उद्धेश्ले गाउँपालिकाले माटो परीक्षण शिविर संचालन गरेको हो । माटो परीक्षण पश्चात् माटोको प्रकृति हेरी गाउँपालिकाले आ.व. २०७७/०७८ कार्यक्रमहरू संचालन गर्ने लक्ष्य राखेको छ । उक्त कार्यक्रमको उद्घाटन यस कार्यक्रमको प्रमुख अतिथि तथा गाउँपालिका उपाध्यक्ष श्री सपना राई ज्यूले गर्नु भएको थियो ।