वडाको सबैभन्दा जेष्ठ नागरिक सम्मान कार्यक्रम अन्तर्गत आज मिति २०७७/०४/०४ गते वडा नं. ५ निवासी ९१ वर्षिय जस बहादुर राई र ८५ वर्षिय चन्द्रकला थापा सम्मानित हुनु भएको छ । सम्मान स्वरुप गाउँपालिकाले उहाँहरूलाई १ थान सिरक, १ थान डसना, १ थान बेडसिट, १ थान सिरानी, १ बट्टा हर्लिक्स र १ वटा झुल प्रदान गरेको छ । यस कार्यक्रम अन्तर्गत गाउँपालिकाका प्रत्येक वडाका सबैभन्दा जेष्ठ १ जना पुरुष र १ जना महिलालाई सम्मानित गरिने छ ।

गाउँपालिका भवनको सम्झौता मिति २०७७/०३/३० गते सम्पन्न भएको छ । सबैभन्दा कम कबोल गर्ने निर्माण कम्पनी रबिन-अबिसा जे.भी. ले रू ३,६४,६१,८१९।४९ (भ्याट र प्रोभिजनल सम सहित) मा यही चैत्र मसान्तसम्म सम्पन्न गर्ने गरी सम्झौता भएको हो ।